Republika Arabe e Sirisë ka njohur zyrtarisht pavarësinë e Republikës së Kosovës, ka njoftuar sot presidentja e Kosovës, Vjosa Osmani.
Në njoftim thuhet se marrëveshja për njohjen është arritur në Riad, me mbështetjen e Princit të Kurorës së Arabisë Saudite, Muhammed bin Salman Al Saud.
Ajo shtoi se kjo është një njohje e ndërsjellë e sovranitetit dhe sakrificës, duke falënderuar edhe Princin e Kurorës saudite për rolin e tij në këtë akt historik.
“Falënderoj Presidentin Al Sharaa për vendimin për njohje të Kosovës si dhe për mbështetjen e tij për popullin tonë. Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Prandaj kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë”, shkroi presidentja në Facebook.
Tashmë Kosova tani njihet nga 120 shtete.
“Republika jonë po ecë përpara dhe nuk ka asgjë që mund ta ndalë”, theksoi Osmani.