Në ambientet e Kuvendit të Kosovës do të mblidhen sot tri komisione parlamentare.
Komisioni për Buxhet, Punë dhe Transfere do të bëjë shqyrtimin e raportit vjetor financiar të Agjencisë për Informim dhe Privatësi për vitin 2022, (Kuvendi i Kosovës salla N-506, ora 11:00).
Komisioni për Administratë Publike, Pushtet Lokal, Media dhe Zhvillim Rajonal do të bëjë shqyrtimin e Projektligjit për ndryshimin dhe plotësimin e Ligjit për zyrtarët publikë, si dhe shqyrtimin e rekomandimeve të Komisionit për Buxhet, Punë dhe Transfere dhe Komisionit për Mbikëqyrjen e financave publike lidhur me Raportin vjetor të KPM-së, për vitin 2022, (Kuvendi i Kosovës salla N-303, ora 13:00).
Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla, do të diskutojë rreth kompensimit të ekspertëve, (Kuvendi i Kosovës, salla N-10, ora 13:00).