Profesor Nexhmedin Spahiu ka thënë se raportet në mes të Kosovës dhe Shteteve të Bashkuara të Amerikës nuk prishen për shkak të një presidenti a një kryeministri.
Në emisionin “Debat Plus” në RTV Dukagjini, Spahiu ka thënë se SHBA-të kanë fuqi që nëse një president apo një kryeministër i vendit bëhet pengesë për ta, mund ta largojnë.
Kështu tha ai teksa në emision po diskutohet për raportet Kosovë-SHBA dhe vendimin e BQK-së për ndalimin e dinarit, e që për këtë të fundit pati reagime të shumta të ndërkombëtarëve, në veçanti të SHBA-ve të cilët kanë kërkuar shtyrje të vendimit.
“Nëse dëmi që shkaktohet që të shtyhet për një periudhë të caktuar është më i madh sesa sanksionet eventuale që mundemi t’i marrin nga Amerika, atëherë e largojmë dinarin, por nëse është e kundërta, atëherë duhet të shtyhet, por ne nuk jemi mësuar asnjëherë të bëjmë kalkulim me laps. SHBA-të nuk mund t’i prishin raportet me Kosovën për shkak të një presidenti a kryeministri. Nëse një kryeministër a një president bëhet pengesë, ata kanë fuqi që ta largojnë atë”, tha Spahiu.