Dhjetëra njerëz janë vrarë dhe plagosur në një shpërthim në një kamp refugjatësh në Rafah.
Kështu të paktën kanë bërë të ditur nga Ministria e Shëndetësisë e drejtuar nga Hamasi në Gaza, shkruan BBC.
Forcat e Mbrojtjes të Izraelit (IDF) thanë se kishin shënjestruar dy liderë të lartë të Hamasit në një nga komplekset e grupit dhe do të shqyrtonin raportet që zjarri ishte përhapur në strehimore, duke dëmtuar civilët.
Sulmi erdhi disa orë pasi Hamasi lëshoi tetë raketa nga Rafah drejt Tel Avivit, sulmet e para me rreze të gjatë në qytet që nga janari.
Në një deklaratë të lëshuar pas shpërthimit brenda Gazës të dielën mbrëma, IDF tha se kishte “eliminuar” dy figura të larta të Hamasit – Yassin Rabia dhe Khaled Nagar – në një sulm “të saktë” ajror “në veri-perëndim të Rafahut.
IDF tha se kishte shënjestruar militantët e Hamasit me armë precize.
Autoritetet e drejtuara nga Hamasi thanë se 35 njerëz u vranë dhe dhjetëra u plagosën në një kamp për palestinezët e zhvendosur në veri-perëndim të Rafahut, larg operacioneve të fundit ushtarake në një zonë të sigurt humanitare.