Ambasada amerikane në Prishtinë ka reaguar lidhur me sulmet ndaj gazetarëve në veri të vendit gjatë ditë së sotme.
“Ne përsërisim thirrjen tonë që mediat të jenë në gjendje të punojnë pa dhunë dhe frikësim”, thuhet në reagim.
Në këtë reagim thuhet se Ambasada amerikane në Prishtinë dënon sulmet e vazhdueshme ndaj gazetarëve në veri të Kosovës, duke përfshirë edhe sot.
We condemn the continued attacks on journalists in northern Kosovo, including today. We reiterate our call for media to be able to work free from violence and intimidation. https://t.co/cJi1LB4IZg
— U.S. Embassy Pristina (@USEmbPristina) June 16, 2023
Gjatë kësaj të premteje grupet kriminale në veri kanë sulmuar gazetarët që po qëndronin pranë komunës së Leposaviqit.
Në pamjet e siguruara nga Dukagjini, shihen gazetarët duke ikur, teksa pjesëtarët e KFOR-it i pengojnë që të largohen nga kriminelët serbë që po i sulmonin me gurë dhe shok-bomba.