Ministri i Punëve të Brendshme, Xhelal Sveçla, ka publikuar një video ku shihen dëmet që janë shkaktuar nga granata e dorës që është hedhur mbrëmë në oborrin e ndërtesës së komunës së Mitrovicës Veriore.
Përmes një postimi, Sveçla ka thënë se vazhdon agresioni i presidentit Vuçiq.
“Vazhdon agresioni i Vuçiqit. Sulmi i mbrëmshëm në ndërtesën e komunës së Mitrovicës Veriore është edhe një përpjekje për përshkallëzim e destabilizim. Serbia duhet të mbahet përgjegjëse për sjelljen e saj. Sulmet duhet të ndalen menjëherë”, ka shkruar Sveçla.