Ministri i Punëve të Brendshme, Xhelal Sveçla ka vizituar sot zyrtarët e Policisë së Kosovës në veri të vendit.
“I falenderuam për punën, përkushtimin dhe korrektësinë. Vendosmëria e trupës së policisë përbën një nga garancitë e Republikës”, ka shkruar Sveçla.
Sveçla ka thënë se e synojnë “bashkarisht” Kosovën si shembull të demokracisë, ku rendi e ligji i vendos qytetarët në liri e barabazi pa dallim.
“Vendosmëria e zyrtarëve policorë na e shtoi edhe më shumë bindjen dhe energjinë për projektin tonë të shtetimit. Policia sot është institucioni më i denjë i këtij projekti. Vazhdojmë!”, ka thënë ai.