Ish-kryenegociatorja e Kosovës në dialogun me Serbinë në Bruksel, Edita Tahiri, e ka quajtur analfabet kryetarin e Kuvendit të Kosovës, Glauk Konjufca.
Kjo, pasi ky i fundit në një intervistë kishte thënë se “Ka me hi sikur tradhtar në historinë e Kosovës kush e bën atë. Kushdo që e merr atë, me bo Asociacionin pa kurrfarë njohje prej Serbisë, as njohje de faco as çfarëdo”.
Lidhur me këtë deklaratë, Tahiri në emisionin “Debat Plus” e ka quajtur Konjufcën si një diletant.
“Analfabet Konjufca, analfabet për negociata për marrëveshje ndërkombëtare e në anën tjetër popullizëm këtu me fjalë të rënda. Shikimi bardh e zi na ka marrë në qafë 100 vjet. Kryetar Kuvendi, analfabet, diletant për me analizu një marrëveshje ndërkombëtare”, u shpreh ajo.