Shefi i grupit parlamentar të Aleancës për Ardhmërinë e Kosovës (AAK), Besnik Tahiri, për liberalizimin e vizave për Kosovën, ka thënë se qytetarët e Kosovës do të mund ta festojnë natën e Vitit të Ri 2023, me një mundësi të re më 1 janar 2024.
“Qytetarët e Republikës së Kosovës do ta mund ta festojnë natën e Vitit të Ri 2023, me një mundësi të re me 1 janar 2024”, ka shkruar Tahiri.
Tahiri ka shtuar se për këtë mbyllje të “padrejtësisë evropiane” ia vlen të shënohet me një festim kolektiv.
“Ja vlen që mbyllja e kësaj padrejtësie evropiane të shënohet me një festim kolektiv nga qytetarët më proevropian në kontinent”, ka shtuar shefi i grupit parlamentar të AAK-së.
“Tani është koha të punohet për një regjim pa viza me SHBA-të, referencën tonë identitare”, ka theksuar tutje Besnik Tahiri.