Besnik Tahiri, Shef i Grupit Parlamentar të AAK-së, ka thënë se vendimi për barnatoret që të punojnë me numër të kufizuar gjatë të dielës duhet të ndryshojë
Sipas tij ky vendim është skandaloz.
“Kjo është hera e dytë që e adresoj të njëjtin problem, i cili është bërë barrë e madhe e qytetarëve të Prishtinës, në veçanti pensionistëve, të moshuarve dhe pacientëve,” shkruan Tahiri.
Teksa këtë vendim e quan të palogjikë.
“Çfarë logjike ka një vendim i tillë, i cili detyron një të moshuar të lëviz prej Dardanisë deri te rruga B, për t’u pajisur me medikamente. Shtoja këtu edhe faktin se shumica e barnatoreve të vogla nuk janë të furnizuara sa duhet dhe radhët e gjata të cilat duhet të pritet,” shkruan ai.