Tashmë është konfirmuar nga nikoqirët – në Bruksel të martën do të vazhdojnë bisedimet Kosovë-Serbi por në nivel kryenogciatorësh.
Zëdhënësi i Bashkimit Evropian ka bërë me dije që ky takim do të ketë temë çështjen e dinarit por edhe të tjera.
“Për të martën, përfaqësuesi special i BE-së, Miroslav Lajçak, ka ftuar kryenegociatorët që në Bruksel të vazhdojnë diskutimet, fillimisht për të vazhduar bisedimet që nisën disa javë më parë për rregulloren e Bankës Qendrore të Kosovës për dinarin, dhe do të ketë edhe tema të tjera për t’u diskutuar me kryenegociatorët, që janë më të ngutshme në kuadër të dialogut. Takimi i parë për rregulloren e BQK-së zgjidhi disa çështje. Kjo është vazhdimësi, vetëm se këtë herë në nivel të kryenegociatorëve nga dy palët”, ka thënë Peter Stano, zëdhënës i BE-së.
Pjesëmarrjen në këtë takim e ka konfirmuar tashmë pala kosovare por sipas tyre, aty do të diskutohet për zbatimin e Marrëveshjes në rrugën drejt normalizimit si dhe Aneksin Zbatues, e askund nuk është përmendur çështja e dinarit.
“Kosova i përgjigjet pozitivisht ftesave të cilat kanë për qëllim përqendrimin në rrugën përpara e zbatimin e marrëveshjeve në kuadër të procesit të dialogut, të cilat duhet të çojnë drejt normalizimit të marrëdhënieve dhe finalizimit të procesit. Qasja jonë konstruktive duhet të njihet me konstruktivitet e bashkëpunim dhe nga pala tjetër”, ka thënë Klisman Kadiu, Këshilltar i Besnik Bislimit.
Ndërkohë, analistët këtë po e shohin si dështim të Kosovës meqenëse lejuan që çështja teknike te kthehet në diskutim politik në tavolinë bisedimesh në Bruksel.
“Një çështje që nuk përbë çështje politike në të kalumen, tash po përbën negociatorët e Koosvës është desht me i mbajt qëndrimin paraprak. Duket se i kemi humb dy muaj kohë në kërkesën fillestare të ndërkombëtarëve që të shtyhet zbatimi”, ka thënë Dibran Hoxha.
Emisar evropiani, Miroslav Lajçak, herën e fundit ishte për vizitë në Kosovë me 5 mars, ku konfirmoi se palët do të ftohen për diskutime politike rreth dinarit.