Një përleshje me armë zjarri ka ndodhur të mërkurën e 17 majit në Prishtinë.
Kështu ka bërë të ditur për portalin Dukagjini, zëdhënësja e policisë për rajonin e Prishtinës, Flora Ahmeti.
Ajo ka treguar se si pasojë e kësaj ngjarjeje, një person ka mbetur i lënduar, derisa i njëjti është dërguar për tretman mjekësor.
“Sot rreth orës 12:30, kemi marrë informatën për të shtëna me armë zjarri të ndodhur në rrugën ” Bajram Bahtiri” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, ka thënë ajo.
“Bazuar në të dhënat fillestare, në këtë rast gjatë përleshjes fizike është lënduar një person, i cili është dërguar për tretman mjekësor”.
Hetuesit policorë në koordinim me prokurorinë, sipas Ahmetit, po ndërmarrin veprimet hetimore për arrestimin e personit të dyshuar ( i cili është identifikuar) si dhe ndriçimin e plotë të rastit.