Deputetët e Kuvendit të Kosovës e kanë votuar themelimin e Komisioni Hetimor Parlamentar për rezervën shtetërore.
Ky komision do të drejtohet nga deputeti i PDK-së, Rashit Qalaj, ndërsa nënkryetare do të jetë deputetja e LDK-së, Valentina Bunjaku.
Në votim kanë marrë pjesë gjithsej 75 deputetë, ku 69 prej tyre kanë qenë për dhe 6 abstenim.
Deputeti i VV-së, Arbër Rexhaj, ka votuar kundër, ndërsa gjashtë të tjerë kanë abstenuar, ndër ta Dimal Basha, Mirsad Shkreta e Vendelis Lahu.
Ndryshe, propozimin për themelimin e Komisionit Hetimor Parlamentar për rezervën shtetërore e kanë propozuar 41 deputetë nga opozita.
Drejtues i këtij Komisioni është deputeti i PDK-së, Rashit Qalaj, derisa zëvendëskryeseuese është deputetja Valentina Bunjaku e LDK-së.
Lëvizja Vetëvendosje do t’i ketë pesë anëtarë, PDK dhe LDK nga dy, derisa AAK dhe grupet joshumicë me nga një përfaqësues do të jenë pjesë e këtij Komisioni.
Pesë deputetët nga grupi parlamentar i Lëvizjes Vetëvendosje do të jenë Armend Muja, Driton Hyseni, Shqipe Metaj-Isufi, Halil Thaçi dhe Salih Zypa.
Nga radhët e Partisë Demokratike të Kosovës do të jenë dy deputetët Rashit Qalaj dhe Ferat Shala, ndërsa nga LDK-ja do të jenë Valentina Bunjaku-Rexhepi dhe Doarsa Kica-Xhelili.
Ndërsa, AAK-ja do të jetë Palë Lekaj. Kurse nga Grupi multietnik do të jetë Erxhan Galushi.
Puna e Komisionit do të jetë lidhur me procedurat për furnizimin dhe menaxhimin me rezervat shtetërore, si dhe keqpërdorimet dhe abuzimet e mundshme me rezervat shtetërore, nëpërmjet kualifikimit të procedurës si sekret shtetëror për furnizime të tilla.