Rada Trajkoviq, këshilltarja politike e ministrit për Komunitete dhe Kthim, Nenad Rashiq, ka thënë se nënkryetari i Listës Serbe, Milan Radojçiq, në çdo situatë arrin të shpëtohet nga një dorë misterioze.
Në një postim në llogarinë e saj në “X”, Trajkoviq ka ngritur pyetjen se a ka presidenti serb, Aleksandër Vuçiq, guximin dhe forcën e mjaftueshme që të heqë dorë nga ai që politikania serbe e quan “djali i vogël”.
“Askush nuk duhet të pyesë se si Milan Radoiçiq u “shpëtua” nga çdo situatë – nga tentativa e arrestimit për vrasjen e Oliverit e deri te incidenti i fundit në Banjska – dhe u tërhoq nga problemi nga një dorë misterioze që ka fuqi si mbi serbët ashtu edhe mbi shqiptarët. Dhe shokët e tij kanë mbetur në baltë”.
“Shtrohet pyetja: a ka Vuçiq guximin dhe forcën e mjaftueshme për t’u distancuar nga ‘djali’ i tij në veri të Kosovës, i cili tani qartazi po kërcënon interesat shtetërore dhe po e çon rininë tonë në një vdekje të kotë për hir të interesave të disave. Nuk duan stabilitet në Serbi. Përgjigja do të jepet në ditët në vijim”, shtoi ajo.
Sipas saj, serbët janë në një situatë dhe pozitë shumë më të rëndë negociuese seç ishin më parë.
“Serbët, duke qenë serbë, edhe një herë e kthejnë një disfatë reale strategjike në një fitore ‘qiellore’, dhe nga lotët për viktimat nuk e shohin të vërtetën: sot jemi në një situatë dhe pozitë shumë më të keqe negociuese se më parë”.
Niko da se zapita kako to da Milana Radoičića iz svake situacije – od pokušaja hapšenja za ubistvo Oilivera do poslednjeg incidenta u Banjskoj – “spase” i iz problema izvuče neka misteriozna ruka koja ima moć i na srpskoj i na albanskoj strani.
A saborci mu ostanu na cedilu… ⤵️
— Rada Trajkovic (@trajkovic_rada) September 27, 2023