Leje për të dalë nuk kishin, por tre persona nuk dëshironin të qëndronin më në Qendrën e Mbajtjes për të Huaj në fshatin Vranidoll të Prishtinës,.
Kështu, edhe roja tentoi t’i ndalte, e si pasojë mori lëndime.
Derisa disa azilantë po tentonin të largoheshin nga këtu pa autorizim, roja tentoi t’i ndalë, megjithatë i njëjti u sulma, nga një 23-vjeçar që dyshohet të jetë shtetas i Egjiptit.
Kështu u raportua në media, derisa nuk dihet nëse ndonjëri nga të dyshuarit ka arritur të arratiset, pasi Ministria e Punëve të Brendshme, në kuadër të së cilës funksionin Qendra, nuk ktheu përgjigje për këtë rast.
Ndërsa Policia e Kosovës nuk dha shumë detaje.
“Është arrestuar i dyshuari mashkull kosovar, nën dyshimin se ka kryer veprën e lartcekur ndaj viktimës mashkull kosovar. Me vendim të prokurorit dërgohet në mbajtje” thanë nga Policia
Por ekspertë të sigurisë thonë se duhet të ketë një numër më të madh të zyrtarëve të sigurisë në këtë qendër.
“Duhet që fillimisht, të këtë një analizë të saktë të mekanizmave kompetent, dhe të përforcohet fillimisht me staf adekuat ato qendra, natyrshëm të kenë trajnime të vazhdueshme, në bazë të praktikave që kanë ndodhur dhe pritët të ndodhin në ato qendra” deklaroi Valdet Hoxha, Ekspert i sigurisë.
Në këtë qendër që është funksionalizuar në vitin 2015, kërkohet gjithashtu që të ketë edhe patrullime më të shpeshta të Policisë.