“Tri automjete me dokumente” – Çka tjetër u gjet në komunat ilegale serbe

Një ditë pas bastisjeve në tri komunat ilegale serbe në rajonin e Dukagjinit, Policia e Kosovës ka dal me detaje rreth gjësendeve të sekuestruara. Ndërsa Prokuroria Themelore e Pejës ka bërë të ditur se shtatë persona janë shoqëruar për intervistim, derisa atyre u janë hapur raste penale

Nga jashtë duken si objekte të braktisura.

Por bastisja mbi dhjetë orëshe në tri komunat ilegale të Serbisë në rajonin e Dukagjinit nuk rezultoi me të gjetura të pakta.

Ndonëse sasia e saktë e dokumenteve nuk është bërë publike, burime të TV Dukagjini kanë bërë të ditur se dokumentet e sekuestruara u bartën me tri automjete.

Të njëjtat mbanin logon e shtetit serb e njëheri edhe të strukturave ilegale.

E nga Policia e Kosovës, siç u pa edhe në bastisjet në Videj të Klinës, Gorazhdec të Pejës e Osojan të Istogut, dokumentet nuk qenë të vetmet prova të sekuestruara.

Megjithatë, bastisja në Osjan qe ajo e cila për dallim nga dy objektet e tjera, zgjati plot 7 orë.

“Në cilësinë e provave materiale janë sekuestruar i gjithë inventari që gjendej në objekt dhe është bërë mbyllja e objektit. Lidhur me rastin është intervistuar në cilësi të dyshuarit një mashkull serb-kosovar dhe i njëjti pas intervistimit me vendim të prokurorit është liruar në procedurë të rregullt”, thuhet nga ana e Policisë së Kosovës.

Ndërsa në dy lokacionet e tjera janë sekuestruar 2 laptopë, 2 vula, 1 usb, 8 telefona, 5 monitorë, 4 printerë, fotokopje, makinë shkrimi e dorës, televizor dhe inventar.

Lidhur me rastin, nga Prokuroria Themelore në Pejë kanë deklaruar se janë intervistuar shtatë persona.

“Gjatë aksionit janë konfisku një numër i konsiderueshëm i dokumenteve të dyshimta dhe njëkohësisht  janë hequr flamujt në këto objekte të struklturave paralele dhe njëkohësisht, Policia e Kosovës ka vendosur edhe shiritat për të bllokuar hymjen në këto objekte. Dokumente të dyshimta që nuk korrespodojnë me Republikën e Kosovës. Tash janë në procese hetimore e pas grumbullimit të provave, prokurori i shtetit do vlerësojë situatën nëse do ketë aktakuza apo veprime të tjera ligjore”, ka deklaruar Shkodran Nikçi nga Prokuroria Themelore në Pejë.

Ndaj shtatë të intervistuarve, tanimë janë hapur raste penale.

Operacioni u përcoll nga dy ministra, ai i Punëve të Brendshme, Xhelal Sveçla, dhe i Administrimit të Pushtetit Lokal, Elbert Krasniqi.

Bastisjeve në rajonin e Dukagjinit u kanë paraprirë edhe ato në Dragash, me ç’rast janë mbyllur edhe atje disa objekte.

Shija e redaktorit

Osmani pritet me nderime ushtarake në Riad të Arabisë Saudite

Presidentja e Kosovës, Vjosa Osmani është pritur me nderime ushtarake në vizitën e saj në Arabinë Saudite.  Ajo po qëndron në Riad, pas ftesës që...

Mes familjes dhe ushtrisë – Historitë e fëmijëve amerikanë që...

Flamuri i Shteteve të Bashkuara të Amerikës dhe ai i NATO-s, përtej historisë në këtë hapësirë, shënojnë edhe një destinacion ku siguria dhe bashkëpunimi...

Hotel Dukagjini nikoqir i Asamblesë së Federatës Ndërkombëtare të Alpinizmit...

Rreth 130 përfaqësues të 90 shteteve të ndryshme të botës do të qëndrojnë për disa ditë në Pejë. Kjo për shkak se Federata e Bjeshkatarisë...

Të fundit nga rubrika