Presidenti i Shteteve të Bashkuara të Amerikës, Donald Trump, ka njoftuar se do t’i jap Hamasit një “shans të vogël” për të respektuar marrëveshjen e armëpushimit në Gazë me Izraelin.
Megjithatë, Trump paralajmëroi se grupi palestinez do të “zhduket” nëse nuk arrin ta bëjë këtë, shkruan Aljazeera, transmeton Dukagjini.
“Hamasi do të sillet mirë, do të jetë i sjellshëm – dhe nëse nuk është, ne do të hyjmë dhe do t’i zhdukim nëse na duhet. Ata do të zhduken dhe ata e dinë këtë”, tha Trump në një konferencë shtypi në Shtëpinë e Bardhë së bashku me kryeministrin e Australisë, Anthony Albanese.
Trump tha se çdo operacion kundër Hamasit në Gaza nuk do të përfshinte drejtpërdrejt trupat amerikane, por se “Izraeli do të kthehej brenda dy minutash nëse do tu kërkoja… por ne do t’i japim një shans të vogël”.