Vdekja e një të privuari nga liria në Qendrën e Paraburgimit në Prishtinë, është arsye se pse ky atuomjet I mjekësisë ligjore po futet në këtë qendër.
Ngjarja ka ndodhur mëngjesin e së hënës, ndërsa vdekjen e V.M e ka konstatuar ekipi i Qendrës Emergjente të Qytetit.
Shërbimi Korrektues i Kosovës thuhet se“I burgosuri ishte duke u trajtuar sipas rekomandimeve të institucioneve shëndetësore publike (IPFK-së). Organet kompetente janë duke i zhvilluar procedurat ligjore, ndërsa autopsia do të verifikoi shkakun e vdekjes”
Për shkak se vdekja ndodhi bernda një Objekti të Shëbrimit Korrektues të Kosovës, me hetime është angazhuar edhe Prokuroria Themelore e Prishtinës.
Laureta Ulaj – Zëdhënëse e Prokurorisë Themelore të Prishtinës ka thënë se “Prokurorja kujdestare nga Departamenti i Krimeve të Rënda me të pranuar informatën nga policia, e njëjta i është përgjigjur vendit të ngjarjes, bashkë me njësitë relevante. Me urdhër të së njëjtës trupi i pajetë do të dërgohet në Institutin e Mjekësisë Ligjore për t’iu nënshtruar obduksionit, derisa rasti është inicuar si hetim mbi vdekje dhe në koordinim me policinë do të zhvillohen hetimet”
Sipas asaj që ka mësuar televizioni, vlerësimet e para janë se ky rast ishte një vdekje e natyrshme.
Raporti i plotë pritet t’u dërgohet palëve kompetente gjatë ditëve në vijim.