Zëvendëspresidenti i Shteteve të Bashkuara, JD Vance, ka deklaruar se nuk ka frikë se do të ketë një përshkallëzim të luftës me Iranin.
“Nuk jemi në luftë me Iranin, por me programin bërthamor të tij”, theksoi ai, duke u përpjekur të qartësojë qëllimet e ndërhyrjes ushtarake.
Vance shtoi se SHBA-të nuk synojnë ndërrimin e regjimit në Teheran – ndryshe nga disa deklarata të mëhershme nga zyrtarë të lartë izraelitë që kanë përmendur pikërisht këtë objektiv.
Ai nënvizoi gjithashtu se Shtetet e Bashkuara nuk kanë interes të dërgojnë trupa tokësore në Iran.
Deklaratat e Vance vijnë pas qëndrimit të presidentit Donald Trump, i cili vazhdon të premtojë se nuk do ta fusë Amerikën në një tjetër “luftë të përjetshme”.
Sulmi i fundit ndaj Iranit ka shkaktuar përçarje edhe brenda bazës konservatore të Trump – veçanërisht në lëvizjen MAGA – me figura kryesore që kërkojnë siguri se ky ishte një sulm i vetëm dhe i kufizuar.
Këtë qasje e përmendi edhe komentatori Pete Hegseth nga Pentagoni më herët gjatë pasdites.