E dhunuar në moshë të re nga kriminelët serbë, e mbijetuara e dhunës seksuale e cila po vazhdon rrëfimin e saj në “Debat Plus” ka treguar se martesa nuk ishte një periudhë e lumtur e jetës së saj.
Nëna e kishte fejuar në moshën 21-vjeçare dhe aso kohe i fejuari, e kishte pranuar atë me të cilën e kishte përballur lufta të mbijetuarën.
“Nana e ka bë atë, në moshën 21-vjet jam feju. Nana ka dalë si një nënë për evladin me ja thanë të vërtetën, ka qenë ç’ka ka qenë, vajza ime kështu është deri sot. Me kohë. Fiks, e ka ditë me kohë. Në takimin e parë, nesër vajza ime mos të jetë, ti si informatë mos me pasë nga të tjerët. A pranon a jo, është vendimi yt.”, ka treguar ajo.
Mirëpo me kohën, ajo tregon se qëndrimi i tij ndryshoi e me kohën, pati edhe dhunë fizike.
“Çdo sen ishte ok. 18 martesë i kma me të. 11 vjet kam qenë bashkë me prindërit e tij dhe këtë periudhë se jo s’u hekë, veç u shut kjo dhunë. Dhuna e luftës kaloi, ka hy dhuna në familje. Më ka premtu që kurrë s’do tua thotë prindërve të vet. Do jem ai që do të të mbrojë deri në ditën e fundit, nuk i mbajti as gjysëm e fjalëve… Tash i kam katër fëmijë, vajzën 15 vjet sa unë e zhvilluar, bija e nanës i thotë je. Veç një lumturi ma ka dhanë, emrin nanë.”, ka treguar ajo.
Vëllau i bashkëshortit të saj kishte kërkuar motrën e saj për grua për ç’ka e mbijetuara kishte qenë kundër.
“Hyni në inati, pse nana s’ia dha vajzën, hynën debatet e ky me atë krenarin se na shqiptarët mendja e madhe e zeza kresë ka qenë gjithë…tha po hajt se veç unë t’kam marrë se qysh je kanë. Në prezencë të tanve, tu pi çaj”, ka treguar ajo.
E nga aty, lindën të tjera probleme me ç’rast, vjehërri i kishte larguar nga shtëpia kur e kishte kuptuar se e mbijetuara ishte dhunuar në luftë.