“Qëllimi i Serbisë nuk është të normalizojë marrëdhëniet me Kosovën. Është për të normalizuar rolin e saj hegjemonist dhe destabilizues në Kosovë dhe më gjerë në rajon. Prandaj, Vuçiq do të bëjë gjithçka për të minuar çdo përpjekje serioze për një marrëveshje me Kosovën. Jo më qetësi, është koha për pasoja”.
Kështu ka deklaruar Blerim Vela, shef i kabinetit të presidentes, Vjosa Osmani, pasi presidenti i Serbisë, Aleksandër Vuçiq, kishte deklaruar se Serbia do ta pengojë Kosovën për t’u anëtarësuar në OKB.
#Serbia’s goal is not to normalize relations with #Kosovo. It is to normalize its hegemonic and spoiler role in Kosovo & the wider region. That’s why Vučić will do everything to undermine any serious attempt for an agreement with 🇽🇰. No more appeasing, it’s time for consequences! pic.twitter.com/oM5xJXLnup
— Blerim Vela (@Blerim_Vela) March 2, 2023
“Serbia është e gatshme të punojë në zbatimin e shumë gjërave nga plani evropian për Kosovën, por ne kemi shprehur një kundërshtim të qartë dhe të madh – se nuk ka bisedime për njohje reciproke, njohje, apo anëtarësim të Kosovës në OKB”, kishte thënë Vuçiq.
Po ashtu, edhe kryeministri i Kosovës, Albin Kurti, ka deklaruar se presidenti i Serbisë e ka shkelur pikën katër të planit evropian.
Sipas Kurtit, Serbia ka vendosur të mos negociojë në mirëbesim.
“Presidenti i Serbisë u zotua mbrëmë se do ta kundërshtojë anëtarësimin e Kosovës në OKB. Kjo do të përbënte një shkelje të qartë të nenit. 4 të propozimit të BE-së. Normalizimi i marrëdhënieve është i mundur vetëm nëse të dyja palët negociojnë në mirëbesim. Serbia me sa duket ka vendosur të mos e bëjë këtë”, kishte shkruar Kurti.