Ishte presidenti i Serbisë, Aleksandër Vuçiq, ai i cili kishte deklaruar se në marrëveshjen në mes Kosovës dhe Serbisë nuk përfshihej një njohje e ndërsjelltë dhe as për antarësimin në organizata ndërkombëtare.
Kësaj deklarate i ka reaguar edhe shefi i stafit të presidentes së Kosovës, Blerim Vela.
Me anë të një postimi në Twitter, Vela ka shkruar se një shkelje e tillë duhet ta penalizojë Serbinë.
“Edhe pse Vuçiq u angazhua për zbatimin e detyrimeve nga marrëveshja për Kosovën, duke përfshirë anëtarësimin në çdo organ ndërkombëtar (neni 4), ai vepron me keqbesim dhe thotë se Serbia nuk do të pranojë anëtarësimin në OKB, institucionet, agjencitë dhe organizatat e saj! Një shkelje që do të penalizohet!”, ka shkruar Vela.
Even though Vučić committed to implement obligations from the agreement w #Kosovo, incl. membership to any int’l orgs (art. 4), he acts in bad faith & says #Serbia won’t agree to 🇽🇰 membership to 🇺🇳, its institutions, agencies & organizations! A violation that shld be penalized! pic.twitter.com/jOfzCHCF7E
— Blerim Vela (@Blerim_Vela) March 21, 2023
Në takimin në Ohër të Maqedonisë së Veriut më 18 mars, Kosova dhe Serbia u pajtuan për Aneksin e zbatimit të Marrëveshjes drejt normalizimit të raporteve me njëra-tjetrën. Të njëjtat u pajtuan se nuk do të bllokonin dialogun duke penguar zbatimin e neneve të marrëveshjes.