Bashkësia Islame e Kosovës ka njoftuar se ka grumbulluar 400 mijë e 500 euro si mbështetje për të prekurit nga tërmeti në Turqi.
Kështu ka bërë të ditur kryetari i BIK-ut, Naim Tërnava, në një vizitë në Ambasadën e Turqisë në Prishtinë.
Tërnava ka shprehur “dhimbjen dhe solidaritetin e tij me të gjithë të prekurit nga ky tërmet, duke lutur Zotin që të lënduarit t’i shërojë sa më parë, ndërsa të vdekurit, Zoti t’i ketë marrë me mëshirën e tij”.
“Besimtarët tanë gjatë aksionit që kemi organizuar në të gjitha xhamitë e Kosovës kanë grumbulluar 400,500.00 euro, si mbështetje materiale për të prekurit nga tërmeti, të cilat u transferuan sot në llogarinë bankare të Ambasadës”, thuhet në njoftim.
Ambasadori Tunç Angili ka falënderuar popullin e Kosovës për solidaritetin e treguar me popullin turk.