Analisti politik Kujtim Zebica ka bërë një parashikim për rezultatin e zgjedhjeve lokale të 12 tetorit, duke u ndalur në disa nga komunat kryesore të Kosovës.
Sipas tij, Lidhja Demokratike e Kosovës (LDK) pritet të ruajë udhëheqjen në Pejë dhe Istog, ndërsa në shumicën e komunave parashikohet dominim i Lëvizjes Vetëvendosje (LVV).
Në listën e Zebicës, LVV shihet favorite në Prishtinë, Podujevë, Gjilan, Kamenicë, Shtime, Kaçanik dhe Prizren, ndërsa në Mitrovicë fitues parashikohet subjekti Guxo në koalicion me LVV.
“Pejë – LDK, Prishtinë – LVV, Podujevë – LVV, Gjilan – LVV, Kamenica – LVV, Shtime – LVV, Mitrovicë – Guxo-LVV, Kaçanik – LVV, Istog – LDK, Skenderaj – PDK, Drenas – Ramiz Lladrovci, Deçan – AAK, Gjakovë – AAK, Prizren – LVV…”, ka thënë Zebica në Debat Plus.