Zëdhënësja e Aeroportit Ndërkombëtar të Prishtinës “Adem Jashari”, Valentina Gara, e ftuar në emisionin “Rreth e Rrotull”, ka thënë se vetëm gjatë muajit korrik janë procesuar rreth 400 mijë udhëtarë, duke bërë një rekord të ri në historinë e fluturimit.
Gara bëri të ditur se dy vendet e para ardhje-vajtje të udhëtarëve përfshin shtetet si Zvicra me 40% dhe Gjermania me 30%, e pastaj edhe Turqia, Austria, si dhe vendet e tjera.
“Arsyeja kryesore e kësaj rritjeje të udhëtarëve janë bashkatdhetarët tanë që jetojnë në vendet evropiane”, ka theksuar tutje Gara.
Sa i përket kapacitetit të hapësirave dhe infrastrukturave, Gara ka thënë se Aeroporti Ndërkombëtar i Prishtinës `Adem Jashari` ka kapacitet prej 3.5 deri në 4 milionë udhëtarë dhe që presin që deri në fund të këtij viti të vazhdohet me numër rekord të udhëtarëve si dhe fluturimeve.