Zonja e parë e Ukrainës, Olena Zelenska ka thënë se ndikimi ekonomik i luftës në Ukrainë është i ashpër për aleatët e saj, por ndërsa britanikët “numërojnë qindarkat”, ukrainasit “numërojnë viktima”.
Olena Zelenska tha se nëse mbështetja për Ukrainën do të ishte e fortë, kriza do të ishte më e shkurtër.
E pyetur se se çfarë mesazhi kishte për britanikët që po përballen me rritjen e faturave të energjisë pjesërisht për shkak të pushtimit rus të Ukrainës dhe ndikimit që ka pasur në gazin dhe naftën globale, Zelenska është përgjigjur se e kupron që situata është shumë e vështirë
“Çmimet po rriten edhe në Ukrainë, por përveç kësaj njerëzit tanë vriten. Kështu që kur filloni të numëroni qindarkat në llogarinë tuaj bankare ose në xhepin tuaj, ne bëjmë të njëjtën gjë dhe numërojmë viktimat tona”, shtoi Zonja e parë e Ukrainës, raporton BBC.
Komentet e Olena Zelenska pasojnë sygjerimin e kryeministrit, Boris Johnson gjatë vizitës në Kiev se familjet në të gjithë Evropën do të duhet të durojnë krizën e kostos së jetesës dhe të “qëndrojnë kursin” me Ukrainën për të kundërshtuar agresionin e Rusisë.