Bashkësia Islame e Kosovës ka njoftuar se është varrosur zvicerania Elizabetë Poniku, të mërkurën, në fshatin Lubiçevë të Prizrenit. Poniku ka ndihmuar në forma të ndryshme ushtarake UÇK-në gjatë kohës së luftës së fundit në Kosovë.
Kështu ka bërë të ditur BIK-u, përmes një postimi në rrjetin social Facebook.
Sipas njoftimit, Elizabeta ka qenë e bija e një legjionari e ushtaraku dhe në vitet e ’90-ta u martua me Ahmet Ponikun nga Prizreni.
“Pas kontaktit me gjeneral Jashar Salihun në Zvicër, Elizabeta u emërua pjesë e logjistikës së Shtabit të UÇK-së atje, ku në forma të ndryshme (si nga ana e organizimit luftarak, poashtu edhe nga ana e armatimit) e ndihmoi i Ushtrinë Çlirimtare të Kosovës”, thuhet në njoftimin e BIK-ut.