Së paku 133 njerëz u vranë, pasi sulmues të armatosur qëlluan një sallë koncertesh në periferi të Moskës, thanë zyrtarët rusë.
Autoritetet shëndetësore thanë se qindra të tjerë u plagosën.
Ngjarja ndodhi në sallën Crocus City në Krasnogorsk, mbrëmjen e së premtes.
Drejtori i Shërbimit Federal të Sigurisë në Rusi, tha të shtunën se 11 persona janë ndaluar lidhur me sulmin në Moskë, përfshirë katër sulmues të armatosur.
Reuters dhe agjenci të tjera lajmesh thanë se grupi militant, Shteti Islamik (IS), ka marrë përgjegjësinë për sulmin në disa kanale në Telegram, të lidhura me të.
Sipas deklaratës së IS-it, sulmuesit “janë tërhequr në bazat e tyre”.
Shtëpia e Bardhë thotë gjithashtu se e paralajmëroi Rusinë për një sulm të mundshëm ndaj “mbledhjeve të mëdha” në Moskë në fillim të këtij muaji. Rusia nuk ka komentuar
Ukraina – aktualisht në luftë me Rusinë – ka mohuar çdo përfshirje.
Kremlini thotë se Putini është informuar për atë që ka ndodhur – ai nuk i është drejtuar drejtpërdrejt kombit, por sipas një deputeti u ka uruar të plagosurve një shërim të shpejtë
Siguria është forcuar në të gjithë Rusinë, me ngjarjet e anuluara ndërsa garda kombëtare e vendit kërkon për sulmuesit dhe dërgon hetuesit e saj në vend.