Një dymbëdhjetëvjeçar nga Skenderaj gjatë mbrëmjes së 6 gushtit ka gjetur një portofol me 2 mijë e 500 euro.
Sipas njoftimit të policisë, ai menjëherë e kishte dorëzuar portofolin në stacionin policor në Skenderaj.
“Policia ka verifikuar dokumentacionin në portofol dhe ka konstatuar se përpos dokumentacioneve të rëndësishme, në portofol gjendej një shumë e parave prej 2500 euro. Policia ka identifikuar dhe verifikuar personin të cilit i përkiste portofoli dhe i kishte kthyer atij portofolin me paratë dhe dokumentacionin,” thuhet në njoftim.
“Drejtoria Rajonale e Policisë në Mitrovicën e Jugut, falënderon qytetarët për besimin dhe veprimet e ndërgjegjshme.”