Instituti Kombëtar i Shëndetësisë Publike (IKSHPK), ka njoftuar se gjatë 24 orëve të fundit, në Kosovë janë regjistruar 15 raste pozitive me Covid-19.
Të shëruar në 24 orët e fundit nga koronavirusi janë pesë persona.
Po ashtu, IKSHPK-ja ka bërë të ditur se në 24 orët e fundit janë kryer 63 testime për Covid-19. Kurse, tashmë janë gjithsej 47 raste aktive me koronavirus.
Ndërkaq, një ditë më parë, më 4 dhjetor nga 12 testime për Covid-19 janë shënuar 2 raste pozitive.
Ndryshe, në Kosovë është duke u zhvilluar Karvani i vaksinimit, i cili pas Prizrenit e Mamushës ka vazhduar të enjten në komunën e Suharekës.
Ky aktivitet i organizuar nga MSh e IKSHPK me përkrahjen e OBSh-Zyra në Prishtinë, nxit dhe promovon vaksinimin kundër COVID-19 me dozat bivalente përforcuesr dhe vaksinimin kundër Gripit sezonal.
Ministria e Shëndetësisë u ka bërë thirrje qytetarëve që të vaksinohen ngase ditëve të fundit është shënuar rritje e rasteve të reja me COVID-19, dhe vaksinimi sipas MSH-së, është dëshmuar të jetë mënyra më e mirë dhe më efikase për të parandaluar infektimin nga COVID-19, format e rënda të sëmundjes dhe vdekjet nga COVID-19.