Me konsensus të plotë është miratuar rekomandimi i KPM-së ndaj Klan Kosovës.
Rekomandimi i parë është obligimi i shërbimit medial, Klan Kosova, që në afat prej 30 ditësh ta plotësojnë dokumentacionin e nevojshëm për mbajtje të licencës.
E para, obligohet ofruesi i shërbimit medial, Klan Kosova, që në afat prej 30 ditësh nga pranimi i këtij vendimi ta plotësojë dokumentacionin e nevojshëm për mbajtjen e licencës së transmetimit, konform rregullores për ofruesit e shërbimeve mediale të KPM-së të vitit 2021”.
Kurse, në rast se nuk veprojnë në pajtim me rregulloren do të merren sanksione kundër tyre.
“Dështimi për të vepruar në pajtim me rregulloren për ofruesit e shërbimeve mediale, brenda afatit të përcaktuar do të rezultojë me masa sanksionuese të përcaktuara me nenin 30 të ligjit të KPM-së”.