Ministrja e Arsimit, Arbërie Nagavci, në nder të ditës së mësuesit, 7 Marsit, ka falënderuar mësimdhënësit për përkushtimin e tyre në arsim.
“Në këtë ditë të rëndësishme, ju falënderoj për punën dhe përkushtimin tuaj në arsimimin e brezave të rinj. Roli juaj në procesin edukativo-arsimor është shumë i rëndësishëm për zhvillimin e përgjithshëm të shoqërisë,” shkruan Nagavci.
Nagavci ka shkruar se prioritet i Ministrisë së Arsimit është të përmirësojnë cilësinë në arsim, duke rregulluar infrastrukturën ligjore dhe fizike.
“Andaj, jemi duke punuar në shumë drejtime për të avancuar pozitën e mësimdhënësit dhe për të ofruar kushte e politika arsimore që garantojnë mësimdhënie dhe mësimnxënie cilësore.”
Po ashtu, Nagavci ka shprehur se ka mirënjohje pa fund për të gjithë mësimdhënësit për kontributin e çmuar të tyre në formësimin e të ardhmes sonë.