Ndërtesa ku ndodhet konsullata gjermane në Kiev u godit nga një sulm raketor rus, citohet të ketë thënë ministria e Jashtme gjermane.
Nuk është e qartë nëse dikush është vrarë apo plagosur nga ky sulm.
Pas sulmeve ruse në Kiev, presidenti i Ukrainës, Volodymyr Zelensky, ka deklaruar se do të mbajë një takim urgjent me G7 dhe se do të mbajë një fjalim.
Përmes një postimi në Twitter, ai ka thënë se ka folur me kancelarin gjerman, Olaf Scholz, i cili aktualisht mban presidencën e G7 dhe se Scholz kishte rënë dakord të mbante një takim urgjent të këtij grupi.
“Fjalimi im është planifikuar, në të cilin do të tregoj për sulmet nga Rusia”, ka thënë Zelensky.
“Ne diskutuam gjithashtu çështjen e rritjes së presionit mbi Rusinë dhe ndihmën në rivendosjen e infrastrukturës së dëmtuar”, ka vijuar ai.
Ndryshe, në mëngjesin e së hënës së 10 tetorit, tetë civilë janë vrarë dhe 24 janë plagosur si rezultat i sulmeve me raketa në Kiev.