I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, është deklaruar për marrëdhëniet në mes të Shqipërisë dhe Shteteve të Bashkuara të Amerikës(ShBA).
Escobar ka treguar se vendimi për të shpallur person nongrata, Sali Berishën, nuk kishte qenë vendimi personal i tij, por një vendimi institucionale që nuk është politik sipas tij.
“Ishte një vendim që ne e morëm për shkak të korrupsionit që gjetëm. Unë do t’u bëja thirrje institucioneve në Shqipëri, ta shqyrtojnë këtë. Por dua të them, se ne ende kemi partnerë të mirë në Partinë Demokratike”, ka deklaruar Escobar për Zërin e Amerikës.
Më tej, Escobar ka treguar se Partia Demokratike është e nevojshme për demokracinë në Shqipëri, por me një kusht, që sipas tij, në të nuk duhet të këtë persona të shpallur nongrat për shkak të korrupsionit.
“Ne duam që Partia Demokratike të jetë një kontribuues i fortë dhe i rëndësishëm i stabilitetit politik në Shqipëri. Unë do t’u bëja thirrje mbështetësve të Partisë Demokratike të mendojnë për imazhin që përcjellin, nëse do të kishin në krye njerëz, që janë përcaktuar nga Sekretari i Shtetit për korrupsion”, ka shtuar ai.
Escobar ka përfunduar duke thënë se ai shpreh falënderimin tij për popullin e Shqipërisë.