Presidentja e Komisionit Evropian, Ursula von der Leyen, i ka dhënë lëvdata shtetit të Shqipërisë, duke thënë se Shqipëria ka pasur suksese në shumë fusha dhe ka ndërmarrë reforma të rëndësishme.
Në konferencën e përbashkët me kryeministrin Edi Rama në Tiranë tha se Shqipëria po ecën përpara dhe në mënyrë të vendosur për procesin e integrimit evropian.
“Ky është suksesi juaj, është rezultati i plot vite me përpjekje dhe punë të madhe që ka bërë Shqipëria dhe qytetarët. Në rrugëtimin tuaj të integrimit evropian dhe kjo sjellë negociatat”, ka deklaruar ajo.
Tutje, ajo e përmendi edhe rreshtimin e Shqipërisë përkrah Ukrainës, derisa shtoi se Rusia, është duke e shkelur rendin ndërkombëtar dhe ligjet e OKB-së.
“Shqipëria po ecën përpara në mënyrë të vendosur, raporti i zgjerimit ka treguar të gjithë përparësitë që po bën Shqipëria. Ju po ndërmerrni reforma të rëndësishme. Kemi mbrojtur vlerat më të mira europiane. Kemi bërë arritje të dukshme dhe të prekshme në një kohë plot sfida, këtu e kam fjalën për luftën e Rusisë në Ukrainë. Rusia po shkel rendin ndërkombëtar dhe çdo kartë të OKB-së”, tha ajo.
Presidentja e Komisionit Evropian, Ursula von der Leyen, gjatë ditës së enjte ishte për vizitë edhe në Kosovë, ku u takua me krerët e shtetit.