I pari i Kievit, Vitali Klitschko, ka njoftuar se pajisje të reja të mbrojtjes ajrore kanë arritur në Kiev dhe ka është shprehur optimist se këto pajisje do të ndihmonin në mbrojtjen e infrastrukturës energjetike pas sulmeve ajrore ruse.
“Ushtria më ka siguruar (gjatë një takimi të fundit) se pajisjet e reja të mbrojtjes ajrore kanë mbërritur në kryeqytet dhe qielli ynë do të jetë më i sigurt”, ka thënë Klitschko.
I pari i Kievit ka thënë se shpreson që nuk do të ketë më sulme dhe provokime me drone dhe raketa kamikaze.
Të premten e 28 tetorit, Vitali Klitschko ka shtuar se rrjeti elektrik i kryeqytetit ukrainas po funksiononte në “modalitet emergjence”, me furnizimin me energji elektrike deri në 50 për qind në krahasim me nivelet e paraluftës, raporton euronews.
Institucionet ukrainase kanë treguar se gjatë ditëve në vijim Kievi dhe rrethinat përreth do të kenë ndërprerje të vazhdueshme në ditët në vijim.