Presidenti Vladimir Putin ka thënë se Rusia po pezullon – por nuk e përfundon – pjesëmarrjen e saj në një marrëveshje që lejon kalimin e sigurt për anijet që transportojnë eksporte të grurit ukrainas.
Moska u tërhoq nga marrëveshja e ndërmjetësuar nga OKB të shtunën, duke pretenduar se Ukraina kishte përdorur një korridor sigurie në Detin e Zi për të sulmuar flotën e saj.
OKB thotë se nuk kishte anije brenda korridorit atë natë. Ukraina nuk ka marrë përgjegjësinë për sulmin.
Presidenti ukrainas Volodymyr Zelensky tha se marrëveshja do të respektohej dhe akuzoi Rusinë për “shantazhimin e botës me uri” – një pretendim që Rusia e mohon.
Ministria e Infrastrukturës së Ukrainës tha se pavarësisht nga pasojat, 12 anije që përmbanin 354,500 tonë ushqim, përfshirë grurin, u larguan nga portet e Detit të Zi të Ukrainës të hënën. Një zëdhënës i administratës ushtarake të Odesa-s i cituar nga Reuters tha se ky përbënte një vëllim rekord të eksporteve që nga fillimi i marrëveshjes së grurit
Ministria e Infrastrukturës shtoi se një nga anijet që transportonte 40,000 tonë drithë ishte e destinuar për në Etiopi, ku ekzistonte “mundësia reale e urisë masive”.