Ambasadori i Shteteve të Bashkuara të Amerikës(SHBA) në Prishtinë, Jeff Hovenier, ka mbajtur, më 9 nëntor, një takim me gazetarë, nga ku i ka bërë thirrje shtetit të Kosovës, që të mos zbatojë vendimin e Qeverisë për targat e paligjshme “KM”.
“I kërkojmë Qeverisë së Kosovës që të mos vazhdojë me gjobat [për qytetarët serbë në veri], që të zgjasë për dhjetë muaj afatin për riregjistrimin e makinave”, ka deklaruar Hovenier.
Më tej, ai ka thënë se Kosova “duhet urgjentisht që të fillojë negociatat për formimin e Asociacionit”.
ShBA-ja sërish bën thirrje që të fillojë themelimi i Asociacionit
Shtetet e Bashkuara të Amerikës kanë bërë thirrje që të fillojnë negociatat për implementimin e Asociacionit të komunave me shumicë serbe në Kosovë. Lidhur me këtë, Karen Donfried, ndihmëssekretare e Departamentit të Shtetit, ka thënë se SHBA-të po shpenzojnë shumë kohë për marrëdhëniet Kosovë – Serbi, ndërsa Ned Price, zëdhënës në këtë Departament, është shprehur i shqetësuar për situatën në veri të vendit.
“Kosova dhe Serbia duhet të implementojnë marrëveshjet që tashmë kanë nënshkruar përgjatë procesit të dialogut, përfshirë fillimin e negociatave për krijimin e Asociacionit të komunave me shumicë serbe. Ne besojmë se është vërtetuar që dialogu është mekanizëm i rëndësishëm dhe fleksibil për zgjidhjen e mosmarrëveshjeve. Ne u bëjmë thirrje palëve që të përfitojnë plotësisht nga ai”, ka theksuar ajo për RTSH, transmeton Portali Dukagjini.
ShBA-ja sërish bën thirrje që të fillojë themelimi i Asociacionit