Një tërmet ka goditur ishullin kryesor indonezian Java, duke lënë më shumë se 40 të vdekur dhe qindra të plagosur, thonë zyrtarët lokalë.
Sipas të dhënave të Shërbimit Gjeologjik të SHBA, tërmeti me magnitudë 5.6 goditi qytetin Cianjur në Java Perëndimore, në një thellësi prej 10 km.
Lëkundjet u ndjenë në kryeqytetin Xhakarta rreth 100 km larg, ku njerëzit në ndërtesat e larta u evakuuan.
Zyrtarët paralajmërojnë për goditje të tjera të mundshme dhe thonë se numri i të vdekurve mund të rritet.
Zona ku goditi tërmeti është me popullsi të dendur dhe të rrezikuara për rrëshqitje dheu, me shtëpi të ndërtuara keq. Sipas raportimeve lokale, ekipet e shpëtimit janë përpjekur të evakuojnë njerëzit nga ndërtesat e shembura dhe kanë arritur të shpëtojnë një grua dhe foshnjën e saj.
Herman Suherman, kreu i administratës në qytetin Cianjur, tha për mediat lokale se të paktën 46 persona ishin vrarë.
“Viktimat vazhduan të vinin nga shumë zona. Rreth 700 njerëz u plagosën,” tha ai për TV Kompas.
Gempa bumi dengan magnitude (M)5,6 dirasakan warga Jakarta dan sekitarnya. Pusat gempa berada di darat 10 km barat daya Kabupaten Cianjur, Provinsi Jawa Barat. Fenomena ini terjadi pada Senin (21/11), pukul 13.21 WIB. Dua warga meninggal dunia. pic.twitter.com/ziXZ590unX
— BNPB Indonesia (@BNPB_Indonesia) November 21, 2022