Policia e Kosovës ka njoftuar se në kuadër të veprimeve operative që po kryen policia me qëllim parandalimin dhe zbulimin e veprave kriminale, të premten e dy dhjetorit ka arrestuar një person për veprën penale dhunë në familje në Podujevë.
Tutje thuhet se Policia ka gjetur dhe ka sekuestruar një pushkë automatike AK47 dhe një pistoletë, tre karikatorë, 35 fishekë, një shufër metalike e të tjerë.
Tutje thuhet se personi i dyshuar është mashkull me inicialet N.S., 37 vjeçar.
Mes tjerash raportohet se i dyshuari është shoqëruar në stacion policor dhe ndaj tij në konsultim me prokurorin e shtetit është shqiptuar masa e ndalimit për 48 orë, ndërkohë që është iniciuar rast për veprat dhunë në familje dhe mbajtje në pronësi, kontroll ose posedim të pa autorizuar të armëve.