Është arrestuar personi i cili e sulmoi liderin opozitar, Sali Berisha, gjatë protestës së organizuar në Tiranë.
Mediat nga Shqipëria e kanë zbuluar identitetin e tij, ai është Gert Shehu, i cili pasi ka goditur Berishën, u rrah nga pjesëmarrësit e protestës.
Sipas mediave nga Shqipëria, Gert Shehu, 31-vjeçar, është dërguar menjëherë në emergjencë, për trajtimin e plagëve që i ka marrë.
Në pamjet e publikuara, ai shihet me fytyrë të gjakosur, teksa vazhdimisht goditej nga shumë persona.