Studenti i Fakultetit të Edukimit Fizik dhe Sportit në Universitetin e Prishtinës, Shkëlqim Hetemi ka fituar vendin e parë në garat spartan, të mbajtura në Abu Dabi të Emirateve të Bashkuara.
Në shkretëtirën e Abu Dabit, përtej 25 pengesave, në një distancë prej 10 kilometrash, Hetemi ka arritur të mposhtë pjesëmarrësit e grupmoshave 25-29-vjeçare në një periudhë prej 1:57:38.
Ndërkaq, në kategorinë spartan super, ku fitues doli Hetemi, morën pjesë 620 garues nga vende të ndryshme të botës.
Ai shprehet krenar për rezultatin e arritur në këtë garë.
“Pas këtij rezultati qëndron puna dhe përkushtimi, andaj shpresoj që në të ardhmen do të marr pjesë edhe në gara të tjera e të dal edhe me rezultate më të mira”, ka theksuar Hetemi, shkruan Universiteti i Prishtinës në uebfaqen e saj.
Kampionati Spartan është ndër evenimentet më të mëdha sportive në sportin e fitnesit, ku vlerësohen fuqia, qëndrueshmëria dhe mirëqenia trupore.
