Të premten e 16 dhjetorit, Policia e Kosovës ka njoftuar se në orët e pasdites së kësaj të premte, Policia në Skenderaj ka konfiskuar disa armë dhe një sasi të municionit.
“Konfiskimi i armëve është realizuar në kohen kur njësia policore ka ndaluar një automjet me targa vendore ku gjatë kontrollit të detajuar në automjet janë gjetur tetë (armë të shkurtra (pistoleta) të kalibrave të ndryshme dhe municion në sasi prej 520 copë të kalibrave të ndryshëm”, ka njoftuar Policia e Kosovës.
Tutje Policia ka njoftuar se në cilësi të të dyshuarit për posedim të armëve dhe municionit është arrestuar personi L. Z., shtetas i Republikës së Kosovës, i cili pas intervistimit me vendim të prokurorit të rastit i është caktuar masa e ndalimit policor.
“Armët dhe municioni janë konfiskuar nga ana e policisë dhe do te procedohen ne cilësinë e provave materiale”, thuhet tutje në njoftim.
Mes tjerash potencohet se ndaj të dyshuarit është iniciuar rasti për veprën penale “Mbajtje në pronësi, kontroll dhe posedim i paautorizuar i armëve”, ndërsa hetimet e mëtejme do të vazhdojnë ne lidhje me këtë rast.