Instituti Kombëtar i Shëndetësisë Publike (IKSHPK), ka njoftuar se gjatë 24 orëve të fundit, në Kosovë janë regjistruar 18 raste pozitive me Covid-19.
Të shëruar në 24 orët e fundit nga koronavirusi janë dhjetë persona. Ndërsa, nuk është raportur për ndonjë rast të vdekjes.
Po ashtu, IKSHPK-ja ka bërë të ditur se në 24 orët e fundit janë kryer 100 testime për Covid-19. Kurse, tashmë janë gjithsej 55 raste aktive me koronavirus.
Ndërkaq, një ditë më parë, më 5 dhjetor nga 63 testime për Covid-19 janë shënuar 15 raste pozitive.
