Sibel Halimi, zëdhënëse e Lidhjes Demokratike të Kosovës (LDK) në një postim në “Facebook” ka thënë se qasja ndaj krizave është karakteristika esenciale kur popullistët “qeverisin”.
Ajo është shprehur se krizat asnjëherë nuk trajtohen si gjendje objektive, por interpretohen sipas tekeve të qeveritarëve.
Zëdhënësja i LDK-së ka konsideruar se në vend që të ofrohet zgjidhje afatgjate dhe të trajtuara profesionalisht, popullistët krijojnë prodhime estetike false.
”Andaj, të gjitha skandalet e një pas njëshme në politikën e jashtme dhe jo vetëm, janë rezultat i një politike të brendshme populliste, ku individi vihet mbi shtetin, e shteti në shërbimin e një iluzioni”.
Së fundi, Sibel Halimi ka thënë se janë të domosdoshme shkarkimet dhe dorëheqjet e personave në pushtet pas shpërfaqjes së të vërtetave ”e mos të flasim për vendime kushtetuese”.
