Gazetari Adi Krasta është zgjedhur zëvendësdrejtor i Përgjithshëm në Radiotelevizionin e Kosovës (RTK), të shtunën e 14 janarit.
Bordi i RTK-së ka njoftuar se me tetë vota për dhe asnjë kundër, ka emëruar gazetarin Adi Krastën si zëvendësdrejtor të Përgjithshëm në Radiotelevizionin e Kosovës – RTK, me rekomandim të Drejtorit të përgjithshëm.
“Për më shumë se tri dekada përvojë punë në gazetarinë televizive dhe jo vetëm, Adi Krasta i cili këtë të shtunë mori pozitë drejtuese në transmetuesin publik të Kosovës, i bashkohet mediumit të vetëm publik në Kosovë, në momente vendimtare të zhvillimit dhe përparimit të tij”, thuhej në njoftimin e Bordit të RTK-së.
Tutje, njoftohet se në këtë mbledhje, Bordi i RTK-së ka miratuar projeksionin buxhetor të RTK-së për vitin 2023.