Kryetari i PDK-së, Memli Krasniqi, e ka vizituar komunën e Skënderajt, e cila është përballur me dëmtime të mëdha si pasojë e vërshimeve të shkaktuara nga shiu.
Në një reagim të tij, Krasniqi tha se dëmet në këtë komunë janë të mëdha.
“Fatkeqësisht, dëmet janë të mëdha. Fatmirësisht, humbje në njerëz nuk ka”, ka shkruar Krasniqi.
Ai ka kërkuar nga Qeveria e Kosovës të reagojë me të gjitha kapacitetet shtetërore sipas nevojës.
“Gjendja është e rëndë, me dëme të mëdha materiale dhe infrastrukturë të bllokuar publike. Prandaj, reagimi i nivelit qendror duhet të jetë konform situatës emergjente, me të gjitha kapacitetet shtetërore, përfshirë krijimin e një pakoje financiare për kompensimin e të gjitha dëmeve që kanë pësuar qytetarët”, ka thënë Krasniqi.
Krasniqi ka uruar që situata sa më shpejt të kthehet në normalitet dhe qytetarët atje të mund të kthehen në shtëpitë e tyre.