“Këto sulme kanë për qëllim vrasjen e zyrtarëve policorë pasi që në to po përdoren armë të rënda siç janë automatikë dhe granata”, ka thënë Ibishi në emisionin ‘FIVE’ në RTV Dukagjini.
Ai tha se për tu siguruar se nga po vinë këto sulme duhet që prokuroria të bëjë klasifikimin se a janë sulme me motive politike apo kriminale.
Por, sipas Ibishit, këto sulme mund të jenë të dy anshme.
”Edhe politike edhe kriminale”.
këto veprime ndaj Policisë së Kosovës në veri të vendit, janë dënuar edhe nga Ambasada e Shteteve të Bashkuara të Amerikës, por edhe nga organizatat ndërkombëtare në vend dhe jashtë vendit, siç është dënuar edhe në Këshillin e Sigurimit të OKB-së.
Ibishi ka parashikuar se nga këto sulme mund të ketë edhe viktima të rastit siç janë kalimtarët që e frekuentojnë atë pjesë.
Përveç kësaj, ky i fundit ka bërë thirrje që të shtohet numri i pjesëtarëve të policisë duke thënë se “Policia duhet urgjentisht ta shtojë prezencën në veri, në bashkëpunim me EULEX-in’’.