Presidentja e Kosovës, Vjosa Osmani, ka pritur në takim mikun e Kosovës, ish-ambasadorin William Walker.
Osmani i shprehu edhe mirënjohjen e thellë ambasadorit Walker, për vendosmërinë e tij për të treguar të vërtetën ndërkombëtarisht kur populli i Kosovës po përjetonte ditët më të errëta, si dhe për angazhimin e vazhdueshëm për ta ndihmuar Kosovën në rrugën e shtetndërtimit.
“Qytetarët e Kosovës do t’u jenë përjetësisht mirënjohës. Faleminderit që ishe zëri ynë në ditët tona më të vështira e mirënjohje të pafund për miqësinë e sinqertë e të pakursyer për vendin dhe qytetarët tanë”, ka thënë Osmani, njofton Zyra e Presidentes.