Barcelona është skuadra me mbrojtjen më të mirë në pesë ligat evropiane. Dhe për këtë fakt më meritori është Marc-Andre ter Stegen.
Gardiani gjerman është duke kaluar në formë jetësore dhe për këtë më së miri flasin statistikat.
Ai ka pranuar vetëm gjashtë gola – në 17-të ndeshje të zhvilluara në La Liga.
Asnjë portier tjetër nuk i ka arritur këta numra.
Ter Stegen e ka mbajtur portën e paprekur në 13-të ndeshje të elitën e futbollit spanjoll në këtë kampionat – duke e treguar edhe një herë se është ndër më të mirë në botë në pozitën e tij.
30 vjeçari ka kontratë valide me Barcelonën deri në vitin 2025, teksa në “Transfermarkt” vlerësohet 30 milionë euro.